“இப்போ முடியலன்னா போர் எப்பவும் முடியாது… இன்னும் லட்சம் பேர் சாவார்கள்” – டிரம்ப் உக்ரைன் அதிபரை சந்தித்து பேச்சு.!

வாஷிங்டன்: உக்ரைன் அதிபர் வோலோடிய்மிர் ஜெலன்ஸ்கியுடன் இன்று அமெரிக்க அதிபர் டொனால்ட் டிரம்ப் சந்தித்து பேச்சுவார்த்தை நடத்தினார். உக்ரைன்-ரஷ்யா இடையேயான போரை முடிவுக்கு கொண்டு வர டிரம்ப் முன்முயற்சி எடுத்து வருகிறார்.

மூன்று ஆண்டுகளாக நீடிக்கும் போர் காரணமாக ஆயிரக்கணக்கானோர் உயிரிழந்துள்ளதாக கூறப்படுகிறது. உக்ரைனுக்கு அமெரிக்கா மற்றும் ஐரோப்பிய நாடுகள் ஆதரவு அளித்து வருகின்றன. அதே நேரத்தில், போரை நிறுத்த அமெரிக்க அதிபர் டிரம்ப் முக்கிய முயற்சிகளை மேற்கொண்டுள்ளார்.

சந்திப்பின் முக்கிய அம்சமாக, போர் நிறுத்தம் தொடர்பாக 20 நிபந்தனைகள் கொண்ட உடன்படிக்கை முன்மொழியப்பட்டது. இந்த உடன்படிக்கையை ஏற்றுக்கொள்வது தொடர்பாக உக்ரைன் மற்றும் அமெரிக்க அதிகாரிகளுக்கு இடையே நீண்ட பேச்சுவார்த்தை நடைபெற்றது. பேச்சுவார்த்தை முடிவில், உக்ரைன் அதிபர் ஜெலன்ஸ்கி பெரும்பாலான நிபந்தனைகளை ஏற்றுக்கொண்டுள்ளதாக தெரிவிக்கப்பட்டது.முன்னதாக, டிரம்ப் மற்றும் ஜெலன்ஸ்கி செய்தியாளர்களை சந்தித்து பேசிய போது,

டிரம்ப் கூறியதாவது:

“ரஷ்ய அதிபர் வோலோடிய்மிர் புதின் இந்த முறை அமைதிக்கு தீவிரமாக இருக்கிறார் என்று நான் நம்புகிறேன். அவர் அப்படித்தான் இருப்பதாக நான் நினைக்கிறேன். அவர்கள் இருவரும் ஒரு ஒப்பந்தம் செய்ய வேண்டும். ஏராளமான மக்கள் உயிரிழந்துவிட்டனர். இப்போதுதான் செய்யாவிட்டால், போர் எப்பவும் முடியாது. இன்னும் லட்சம் பேர் உயிரிழப்பார்கள்.”

இந்தச் சந்திப்பில், போர் நிறுத்தத்தை உருவாக்கும் முயற்சிகள், ரஷ்யா-உக்ரைன் உறவுகளை மாற்றுவதில் முக்கியமான முன்னேற்றமாக கருதப்படுகிறது. அமெரிக்க அதிபர் டிரம்ப் பேச்சு, இரு நாடுகளுக்கும் உலக சமுதாயத்திற்கும் ஒரு தெளிவான சிக்னல் என பார்க்கப்படுகிறது.

உலகம் தற்போது உக்ரைன்-ரஷ்யா போரின் தீர்வை ஆர்வத்துடன் காத்திருக்கிறது. டிரம்ப் மற்றும் ஜெலன்ஸ்கி சந்திப்பு, இரண்டு நாடுகளுக்கும் மத்தியில் அமைதியை நிலைநாட்ட ஒரு முக்கிய வாய்ப்பாக இருக்கிறது.